Алматы облысы Жамбыл ауданы Мыңбаев ауылындағы орта мектепте ақпан айының бесінші жұлдызында «Функционалды сауаттылық - білім сапасын жетілдірудің негізгі бағдары» тақырыбындағы семинар өтті. Семинардың мақсаты: оқушылардың функционалды сауаттылығын арттыру мақсатында оқыту мен оқудағы жаңа әдіс-тәсілдерді пайдалану, іс тәжірибе алмасу болды. Семинар барысында Турабаева Набат Илесбаевна оқушылардың математикалық сауаттылығын арттырудағы PISA тапсырмаларының тиімділігін сабақта колдану әдіс - тәсілін көрсетсе Дүйсен Ұланай онлайн ресурстарының тиімділігін Onlaine Test Pad форматында тәжірибе жүзінде көрсетіп, семинар барысында 20-25 мұғалім сертификатталды. Бұл семинар тірек мектеп ретінде серіктес мектептер арасындағы мұғалімдермен өзара тәжірибе алмасу болды. Сондай-ақ, семинарға қатысқан мұғалімдер кері байланыс беру барысында функционалдық сауаттылықты дамыту қазіргі таңдағы өзекті мәселе екеніне тоқталып құнды пікірлерін білдірді.